جب جنوب مشرقی ایشا کی تنظیم (آسیان) کے ممبر ممالک میں تحقیق، بیماریوں سے نمٹنے اور طبی شعبے کے پیشہ ور افراد کی تربیت کی بات کی جاتی ہے تو امریکہ آسیان کے ایک بنیادی شراکت کار کی صورت میں ابھر کر سامنے آتا ہے۔
اور یہ تعلق امریکہ اور آسیان کے ہیلتھ فیوچرز (صحت عامہ کے مستقبل) نامی اُس پروگرام سے مزید وسعت پا رہا ہے جس کا اعلان 22 اپریل کو وزیر خارجہ مائیکل آر پومپیو نے کووِڈ-19 کے بارے میں آسیان وزرائے خارجہ کے ایک ورچوئل اجلاس کے دوران کیا۔
نئے پروگرام سے پتہ چلتا ہے کہ 35.3 ملین ڈالر کی ہنگامی امریکی امداد آسیان ممالک کی کووِڈ-19 سے نمٹنے میں کیسے مدد کررہی ہے۔ اس کے علاوہ یہ پروگرام خطے میں صحت عامہ کو بہتر بنانے میں طویل المدتی امریکی سرمایہ کاریوں کو بھی اجاگر کرتا ہے۔
امریکہ 20 سال کے عرصے میں آسیان ممالک میں صحت عامہ کے شعبے میں امداد کے طور پر 3.5 ارب ڈالر کی رقم فراہم کر چکا ہے۔
وزیر خارجہ نے ایک بیان میں کہا، “ہم آسیان کے ساتھ اس وباء کو شکست دینے اور خطے کے روشن مستقبل کی تعمیر کے کام کو اکٹھے مل کر دوبارہ شروع کرنے میں اپنی شراکت کاری کا عزم کیے ہوئے ہیں۔”
لوگوں کی صحت اور فلاح و بہبود کو بہتر بنانے کے لیے امریکہ جس طرح آسیان کے خطے میں کام کر رہاا ہے اُس کی چند ایک مثالیں ذیل میں دی جا رہی ہیں۔
امریکہ:
- نے آسیان ممالک کو کووِڈ-19 عالمی وباء کا مقابلہ کرنے کے لیے 35 ملین ڈالر سے زائد کی رقم فراہم کی۔
- نے گزشتہ 10 برسوں کے دوران آسیان ممالک کے ساتھ مل کر 1,000 سے زائد صحت کے تحقیقی منصوبوں پر کام کیا۔
- نے آسیان ممالک میں 1,000 سے زائد طلبا اور پیشہ ور افراد کو متعدی بیماریوں کی روک تھام، کھوج، ردعمل اور علاج کی تربیت دینے میں مدد کی۔
- نے گزشتہ 10 برسوں میں آسیان کے ساتھ صحت کی مشترکہ تحقیق میں 30 ملین ڈالر سے زائد کی سرمایہ کاری کی۔
The Governments of the U.S. & the Lao PDR as the co-Chairs of the Special @ASEAN-United States Foreign Ministers’ Meeting on #Coronavirus Disease 2019 (#COVID19) conducted via video conference on April 22 to 23 & released a Joint Statement: https://t.co/Ga3vtYBojt pic.twitter.com/iUL1I1oGQo
— U.S. Asia Pacific Media Hub (@eAsiaMediaHub) April 28, 2020
امریکہ کے تبادلے کے پروگراموں کے آسیان ممالک سے تعلق رکھنے والے طبی اور صحت عامہ کے 2،400 سابقہ شرکاء کو امریکی ماہرین کے ساتھ جوڑنے کے لیے، امریکہ نے حال ہی میں “امریکہ-آسیان ہیلتھ فیوچر ایلومنائی نیٹ ورک” تشکیل دیا ہے۔ اس نیٹ ورک کے ارکان 22 اپریل کو سی ڈی سی کے صحت کے ماہرین کے ہمراہ ایک کنونشن میں شریک ہوئے جس میں آسیان کے ہزاروں ناظرین نے شرکاء کو کووِڈ-19 کے بارے میں تبادلہ خیال کرتے ہوئے دیکھا۔ انہوں نے وبائی امراض، حفظان صحت اور انفیکشن پر قابو پانے کی اپنی مہارتوں کے بارے میں بھی ایک دوسرے کو بتایا۔
پومپیو نے کہا، “امریکہ اور آسیان کے اربوں لوگوں کے مابین تعلقات کی کہانی، ایک متاثر کن اور مثبت کہانی ہے۔ باہم مل کر، ہم نے اپنے لوگوں کو زیادہ محفوظ اور خوشحال بنا دیا ہے۔”