تینوں بھارتی مسلح افواج نے حال ہی میں امریکہ کی بری، بحری، فضائی افواج اور میرین کور کے ساتھ مل کر فوجی مشقیں کیں۔ یہ پہلا موقع ہے جب امریکہ کے ساتھ فوجی مشقوں میں بھارت کی تینوں افواج نے حصہ لیا۔
ٹائگر ٹرائمف کے نام سے کی جانے والی یہ مشقیں امریکی اور بھارتی افواج کے درمیان جاری شراکت کاری کا حصہ ہونے کے ساتھ ساتھ بحرہند و بحرالکاہل کو محفوظ بنانے کا ایک کلیدی جزو بھی ہیں۔
بھارت میں امریکہ کے سفیر کینتھ جسٹر نے 13 سے 21 نومبر تک جاری رہنے والی اِن مشقوں کے بارے میں کہا، “سمندر میں امریکہ اور بھارت کی شراکت کاری سمندری راستوں کی سلامتی کو یقینی بنانے اور بحرہند و بحرالکاہل میں جہاز رانی کی سلامتی کو فروغ دینے کے لیے انتہائی اہمیت کی حامل ہے۔ امریکہ اور بھارت کی شراکت کاری بہت زیادہ مضبوط ہے اور یہ مضبوط تر ہوتی جا رہی ہے۔”
فوجی لیڈر جب بحرہند کے خطے کا حوالہ دیتے ہیں تو وہ اسے غیر رسمی طور پر “ہالی وڈ سے لے کر بالی وڈ تک” پھیلے ہوئے خطے کا نام دیتے ہیں۔
ٹائگر ٹرائمف میں انسانی بنیادوں پر فراہم کی جانے والی امداد اور امدادی سامان پر توجہ مرکوز کی گئی اور اس میں خشکی اور پانی پرکی جانے والی دونوں قسم کی کاروائیاں شامل تھیں۔ ٹرائمف اپنے انگریزی نام یعنی “ٹرائی سروسز انڈیا یو ایس امفیبیئس ایکسرسائز” (بھارت امریکہ کی مسلح افواج کے تینوں شعبوں کی خشکی اور پانی کی مشقوں) کا مخفف ہے۔
2018 کے بھارت کے اپنے دورے کے دوران وزیر خارجہ مائیکل آر پومپیو نے کہا، “ہماری دونوں اقوام جمہوریت کی مشترکہ اقدار، انفرادی حقوق کے احترام، اور آزادی کے سانجھے عزم کے ذریعے متحد ہیں۔” یہ مشترکہ اقدار ہی “ایک آزاد اور کھلے بحرہند و بحرالکاہل کا فطری نقطہ آغاز ہیں۔”
ذیل میں ٹائگر ٹرائمف کی کچھ سرگرمیوں پر ایک نظر ڈالی گئی ہے۔
تیاری
سب ایک ساتھ
روانگی کے لیے تیار
آرام سے پانی میں اترنا
ساحل کی جانب سفر
عوامی سرگرمیاں
