امریکہ کی دنیا بھر میں کووڈ-19 ویکسینوں کی فراہمی [مارچ 2022]

دو آدمی ' کوویکس' اور امریکی جھنڈے والے ڈبوں کو کھول رہے ہیں (U.S. Government)
امریکہ اور کوویکس نے فائزر-بائیو این ٹیک کی کووڈ-19 ویکسین کی 4.9 ملین اضافی خوراکیں ویت نام پہنچائی ہیں۔ اس کے بعد امریکہ کی طرف سے ویت نام کو عطیے کے طور پر دی جانے والی ویکسین کی خوراکوں کی تعداد 33 ملین ہو گئی ہے۔ (U.S. Government)

امریکہ کووڈ-19 کی ویکسینوں کی اربوں خوراکیں بطور عطیہ دے رہا ہے، ویکسینیں فراہم کرنے والے کوویکس نامی پروگرام اور دنیا بھر کے ممالک کو طبی امدادی سامان فراہم کرنے کے لیے فنڈ فراہم کر رہا ہے۔

امریکہ دنیا بھر میں کووڈ-19 ویکسینوں کا عطیہ دینے اور اور اس وبائی مرض کو ختم کرنے کے لیے بین الاقوامی شراکت داروں کے ساتھ مل کر کام کر رہا ہے۔

کووڈ-19 کے خاتمے کی عالمگیر جدوجہد میں امریکہ کی طرف سے اٹھائے جانے والے مندرجہ ذیل اقدامات شامل ہیں:-

  • دنیا کے ممالک کے لیے ویکسینوں کی503 ملین خوراکوں کا عطیہ۔
  • لگ بھگ ایک سو ترقی پذیر ممالک کو بطور عطیہ دینے کے لیے ویکسین کی 1 بلين خوراکوں کی خریداری۔
  • کوویکس پروگرام میں مدد کرنے کے لیے بنائے گئے ویکسین کے اتحاد، گاوی کے لیے چار ارب ڈالر کا عطیہ۔ کوویکس دنیا بھرمیں کووڈ-19 کی محفوظ اور موثر ویکسینوں کو منصفانہ طور پر تقسیم کرنے کا ایک عالمگیر پروگرام ہے۔
  • ضروری ادویات، سپلائی اور علاج معالجے کی فراہمی کے ساتھ ساتھ دنیا کے ممالک کی معیشت کی تعمیر نو کرنے، غذائی قلتوں پر قابو پانے اور صحت کی سلامتی کو مضبوط بنانے میں مدد کرنا۔

صدر بائیڈن نے 3 جون کے ایک بیان میں کہا، “امریکہ اس وائرس کے خلاف دنیا کی مشترکہ جنگ میں ویکسینوں کا اسلحہ خانہ ہوگا۔ ہم ایک ایسی دنیا تعمیر کرنے کے لیے جو کچھ کر سکے کریں گے جو متعدی بیماریوں سے لاحق خطرات  کے خلاف دفاع میں زیادہ سلامتی والی  ہو اور زیادہ محفوظ ہو۔”

اپ ڈیت کیے جانے والے تصاویر، ٹویٹس، اور مضامین کے اس مجموعے میں  پوری دنیا میں کووڈ-19 ویکسین کی خوراکیں تقسیم کرنے کی امریکی کاوشوں کی ایک جھلکی پیش کی جا رہی ہے

 22 مارچ

کوویکس اور اپنے دیگر شراکت کاروں کے ذریعے، امریکہ انسانی زندگیاں بچانے کی خاطر کووڈ-19 کی محفوظ اور موثر خوراکوں کے نصف ارب سے زیادہ تعداد میں عطیات دے چکا ہے۔

 طیارے کے قریب رکھے بڑے بڑے ڈبوں کے درمیان کھڑے آدمی (© Brian Inganga/AP Images)
امریکی حکومت کی طرف سے کوویکس کے ذریعے عطیہ کردہ ماڈرنا ویکسین کی کووڈ-19 کی خوراکوں کے ڈبے 23 اگست 2021 کو نیروبی، کینیا پہنچائے گئے۔ (© Brian Inganga/AP Images)

20 مارچ

امریکہ نے چار افریقی ممالک کو کووڈ-19 ویکسین کی 2.7 ملین سے زیادہ خوراکیں عطیہ کیں جن میں ایتھوپیا کو دی جانے والی 840,060 اور ڈیموکریٹک ریپبلک آف کانگو کو دی جانے والی 840,000 خوراکوں کے عطیات بھی شامل ہیں۔

18 مارچ

امریکہ نے ہنڈوراس کو فائزر-بائیو این ٹیک کی کووڈ-19 ویکسین کی 349,830 خوراکوں کا مزید عطیہ دیا ہے۔

15 مارچ

 امریکہ نے ازبکستان کو فائزر-بائیو این ٹیک کی کووڈ-19 ویکسین کی لگ بھگ دو ملین خوراکوں کے عطیات دیئے ہیں۔

 14 مارچ

امریکہ نے ویت نام کو فائزر-بائیو این ٹیک کی کووڈ-19 ویکسین کی 4.9 ملین خوراکوں کا اضافی عطیہ دیا ہے۔

11 مارچ

امریکہ نے چھ افریقی ممالک کو کووڈ-19 ویکسین کی 780,000 سے زائد خوراکوں کے عطیات دیئے ہیں۔ اِن میں صومالیہ کو دی جانے والی 250,380 اور ملاوی کو دی جانے والی 218,790 خوراکیں بھی شامل ہیں۔

9 مارچ

امریکہ نے میکسیکو کو ایسٹرا زینیکا کی کووڈ-19 ویکسین کی 3,817,520 خوراکوں کا عطیہ دیا ہے۔

  7 مارچ

امریکہ نے فلپائن کو فائزر-بائیو این ٹیک کی کووڈ-19 ویکسین کی 3,999,060 خوراکوں کا عطیہ دینے کا اعلان کیا ہے۔

4 مارچ

امریکہ نے انڈونیشیا کو فائزر-بائیو این ٹیک کی کووڈ-19 کی ویکسین کی 3.5 ملین خوراکوں کا عطیہ دینے کا اعلان کیا ہے۔

امریکہ نے ٹرینیڈاڈ اور ٹوبیگو کو فائزر-بائیو این ٹیک کی کووڈ-19کی ویکسینوں کی 75,000 خوراکوں کا اضافی عطیہ دیا ہے۔

امریکہ نے حال ہی میں افریقہ کے آٹھ ممالک کو  کووڈ-19 ویکسین کی 5.6 ملین خوراکوں کا عطیہ دیا ہے۔ اِن ممالک کو دیئے جانے والے عطیے میں 1,898,910 خوراکیں کینیا کو اور 999,180 خوراکیں روانڈا کو عطیے کے طور پر دیں گئیں۔

2 مارچ

امریکہ نے فائزر-بائیو این ٹیک کی کووڈ-19 کی 769,860 خوراکوں کا عطیہ فلپائن کو دیا۔

امریکہ نے فائزر-بائیو این ٹیک کی کووڈ-19 کی 769,860 خوراکوں کا عطیہ فلپائن کو دیا۔

اس مضمون کو ہفتہ وار  اپ ڈیٹ کیا جاتا ہے اور بعد میں ماہانہ بنیادوں پر شائع کیا جاتا ہے۔ جولائی، اگست، ستمبر، اکتوبر، نومبر، دسمبر 2021 اور جنوری، فروری  2022 کی اپ ڈیٹس دیکھیے۔