ہر سال سردیوں میں آنے والے تہواروں کے دوران امریکی ضرورت مندوں کو اپنا وقت، ذہانت، اور عطیات دیتے ہیں۔
سال کے اِن ایام کے دوران جس انداز سے امریکہ میں لوگ عطیات دیتے ہیں میں سے چند ایک کی جھلکیاں ذیل میں پیش کی جا رہی ہیں:
ہر سال امریکہ کی لاطینی چیمبر آف کامرس ‘کرسمس باسکٹ فوڈ مہم’ کا اہتمام کرتی ہے۔ 2016ء کی اس مہم کا ایک منظر اوپر دکھایا گیا ہے۔ اس تنظیم کا کہنا ہے کہ اس مہم کے تحت 3,000 سے زائد ضرورت مند خاندانوں کو کھانا فراہم کیا جاتا ہے۔
سان فرانسسکو میں سالویشن آرمی کا ایک رضاکار دسمبر میں غیرمنفعتی تنظیم ‘ریڈ کیٹل کمپین’ کے لیے چندہ جمع کرنے میں مدد کر رہا ہے۔ یہ تنظیم بےگھر اور بھوکے افراد کو رہائشی سہولتیں، کھانا اور دیگر قسم کی مدد فراہم کرتی ہے۔
اوپر تصویر میں ریاست ٹینیسی کے شہر نیش وِل میں اکتوبر میں کام کرنے والے رضاکاروں کی طرح، پورے ملک میں پھیلے ‘ہیبیٹٹ فار ہیومینٹی’ کے رضاکار سارا سال گھر تعمیر کرنے میں مدد کرتے رہتے ہیں۔
ڈیوڈ منٹگمری امریکی فٹ بال کی ٹیم، شکاگو بیئر کے کھلاڑی ہیں۔ وہ دسمبر کے مہینے میں ‘انر سٹی بوائز اینڈ گرلز کلب’ کے بچوں کو ایک مقامی ‘مال’ میں تحائف منتخب کرنے میں مدد کرتے ہیں۔ جے سی پینی کمپنی کا سٹور بچوں کے لیے تحائف خریدنے کے لیے ‘گفٹ کارڈ’ دیتا ہے۔
