‘رات کے وقت زمین کا منظر’: ناسا کی حیرت انگیز تصاویر

کرہ ارض پر پھیلی ہوئی خلا سے دکھائی دینے والی قطب شمالی کی سبز رنگ کی روشنیاں۔ (NASA)
خلاباز ٹیری ورٹس کی بین الاقوامی خلائی سٹیشن سے کھینچی گئی یورپ کی تصویر جس میں بادل اور قطب شمالی کی روشنیاں دکھائی دے رہی ہیں۔ (NASA)

ناسا کا کہنا ہے کہ ناسا کی رات کے وقت لی گئیں زمین کی تصویریں یہ ظاہر کرتی ہیں کہ انسان اور قدرتی عمل روشنی سے کس طرح اندھیرے کو دور کرتے ہیں اور یہ کہ چار دہائیوں سے زیادہ عرصے سے سائنسدان کس طرح اور کیوں زمین کی رات کی روشنیوں کا مشاہدہ کرتے چلے آ رہے ہیں۔.

ناسا کی رات کے وقت زمین نامی حالیہ ترین ای بک [الیکٹرانک کتاب] کے دیباچے میں ناسا کے معاون منتظم، تھامس ایچ زربکن لکھتے ہیں، "ناسا کے فضا میں گردش کرنے والے سیارچوں نے ہماری زمین کا اور اندھیرے میں اس کی روشنی کا بے مثل ریکارڈ مرتب کیا ہے۔”

خلا سے لی گئی ایک روشن شہر کی تصویر۔ . (International Space Station)
قاہرہ کی خلا سے لی گئی اس تصویر میں روشنی کی ایک لکیر بھی دکھائی دیتی ہے جو دریائے نیل کو ظاہر کرتی ہے۔ . (International Space Station)

روشنی اس بات کا پتہ دیتی ہے کہ کوئی خطہ کتنا خوشحال ہے۔ تصویروں سے آتش فشاوًں اور جنگلوں میں لگی آگ جیسے قدرتی روشنی کے ذرائع بھی سامنے آتے ہیں۔ حتی کہ انڈونیشیا کے ساحل پر ماہی گیر کشتیاں بھی خلا سے دکھائی دیتی ہیں۔

دو کہکشائیں۔ (NASA, ESA, M. Mutchler/STScI)
"ہبل فوکس” ای بک سیریز کی ایک تصویر میں بل کھاتی دو کہکشائیں دکھائی دے رہی ہیں۔ اِن میں سے ایک تصویر دور بین سے سامنے سے اور ایک سائڈ سے لی گئی ہے جس سے بل کھاتی ہوئی کہکشاوًں کی مکمل تصویر سامنے آتی ہے۔ (NASA, ESA, M. Mutchler/STScI)

سائنس اور خلائی تحقیق سے متعلق ‘ رات کے وقت زمین’ نامی کتاب کا تعلق ناسا کی ای بک لائبریری سے ہے۔ اسے ای بک کی شکل میں یا پی ڈی ایف کی شکل میں ڈاوًن لوڈ کیا جا سکتا ہے۔