کووِڈ-19 کو روکنے اور اس پر قابو پانے کے لیے امریکہ بحرالکاہل کے جزیرہ نما ممالک کی مدد کرنے کے لیے تقریباً 40 ملین ڈالر فراہم کر رہا ہے۔
وزیر خارجہ مائیکل آر پومپیو نے 29 اپریل کو کووِڈ-19 کے جواب میں امریکی عالمی ردعمل پر بات کرتے ہوئے کہا، “ہم نے بحر ہند و بحرالکاہل کے خطے میں جو کام کیا ہے اُس پر مجھے خصوصی فخر ہے۔”
بحرالکاہل کے جزائر میں امریکی فنڈنگ سے لیبارٹریوں کی تیاری، انفیکشن پر قابو پانے اور صحت عامہ کے مواصلات پر آنے والے اخراجات کو پورا کرنے میں مدد ملے گی۔
محکمہ خارجہ کے مطابق گزشتہ 20 برسوں میں امریکہ نے بحرالکاہل کے جزائر میں پانچ ارب ڈالر سے زائد کی رقم امداد کے طور پر خرچ کی اور اس میں سے گزشتہ دہائی میں 620 ملین ڈالر سے زائد صحت کے شعبے میں خرچ کیے گئے۔
The state gov’t of Chuuk, in FSM, with the support of @UNmigration, @UNICEF and the Dept. of Education, organized a workshop for school principals in early April to better help them prepare their communities for a possible outbreak of #COVID19. https://t.co/wyVXAHaPtH pic.twitter.com/6ynrNafkkU
— USAID PacificIslands (@usaidpacificisl) April 20, 2020
موجودہ فنڈنگ میں مندرجہ ذیل رقومات شامل ہیں:
- مائکرونیشیا کی وفاقی ریاستوں، جزائر مارشل اور پلاؤ کے لیے بیماریوں کی روک تھام اور اِن پر قابو پانے کے مراکز اور محکمہ داخلہ سیمت مختلف امریکی اداروں کی جانب سے 5 ملین ڈالر۔
- محمکہ خارجہ اور یو ایس ایڈ کی جانب سے پاپوا نیو گنی کے لیے 9 ملین ڈالر۔
محمکہ خارجہ اور یو ایس ایڈ کی جانب سے بحرالکاہل کے جزائر پر مشتمل وسیع تر خطے کے لیے 9.8 ملین ڈالر
مائیکرونیشیا کی وفاقی ریاستوں، جزائر مارشل اور پلاؤ کے لیے دی جانے والی امداد سے اِن ممالک کو ہسپتالوں کی گنجائش بہتر بنانے، ٹیسٹنگ اور سکریننگ کی سہولتوں میں اضافہ کرنے اور طبی ساز و سامان حاصل کرنے میں بھی مدد ملے گی۔ اِن تینوں ممالک کے ساتھ امریکہ کے خصوصی تعلقات ہیں جو ہر انفرادی ملک اور امریکہ کے درمیان آزادانہ تعلقات کے سمجھوتے کے ذریعے پروان چڑھے ہیں۔ اس سمجھوتے کے تحت امریکہ اِن ممالک کے سلامتی اور دفاعی امور کا ذمہ دار ہے۔
جزائر مارشل کے بہروں کے ماجورو تعلیمی مرکز کے ساتھ مل کر، امریکہ نے اشاروں کی زبان میں ہاتھ دھونے کے درست طریقوں کے بارے میں ایک تعلیمی ویڈیو تیار کرنے پر بھی کام کیا۔
USAID is working with partners in Micronesia and Marshall Islands to develop risk communication and community engagement plans, as well as create inclusive information education & communication materials for vulnerable persons such as the hearing impaired. https://t.co/zIHyKH5BZl pic.twitter.com/iOQ0ka45iy
— USAID PacificIslands (@usaidpacificisl) April 21, 2020
یہ ویڈیو اُس وسیع تر صحت عامہ کے ابلاغ اور عوام کی شراکت کا ایک حصہ ہے جس کا مقصد اِن جزائر کو کووِڈ-19 کے لیے تیار کرنا اور اِس پر قابو پانا ہے۔ یہ ویڈیو مہاجرت کی بین الاقوامی تنظیم اور مقامی حکومت سمیت یو ایس ایڈ کی شراکت داری سے تیار کی گئی۔
فجی، کریباتی، نارو، ٹونگو اور ٹو والو کے لیے امریکی سفیر جوزف سیلا نے کہا، “امریکہ ایک پڑوسی کی حیثیت سے بحرالکاہل کے اپنے پڑوسیوں، اتحادیوں اور شراکت کاروں کے ساتھ شفاف انداز سے کام کر رہا ہے اور بحرالکاہل کے خطے کے عوام کے ساتھ پُرعزم انداز سے کھڑا ہے۔”
