21 دسمبر کو صدر بائیڈن نے یوکرین کے صدر وولوڈومیر زیلنسکی کا وائٹ ہاؤس میں خیرمقدم کیا اور یوکرین کے عوام کے لیے امریکی حمایت جاری رکھنے کا وعدہ کیا۔
یوکرین پر روس کے وحشیانہ حملے کے 300 ویں دن بائیڈن نے زیلنسکی کی متاثر کن قیادت اور یوکرین کے عوام کے اپنے مقدر کا انتخاب کرنے کے “ناقابل تسخیر عزم” کی تعریف کی۔
بائیڈن نے کہا کہ “اس راہ پر امریکی عوام ہر قدم پر آپ کے ساتھ رہے ہیں اور ہم آپ کے ساتھ رہیں گے۔ ہم اُس وقت تک آپ کے ساتھ رہیں گے جب تک ضروری ہوگا۔”
بائیڈن نے کہا کہ امریکہ اور بین الاقوامی شراکت دار یوکرین کے سویلین بنیادی ڈھانچوں کی تعمیر نو پر کام کر رہے ہیں۔ اس دوران انہوں نے اس بات کا خصوصی ذکر کیا کہ سردیوں کو ایک جنگی ہتھیار کے طور پر استعمال کرنے کی کوششش میں روس کے فوجی حملوں میں ملک کو سردیوں میں گرم رکھنے کے نظاموں کو نشانہ بنایا جا رہا ہے۔
بائیڈن نے کہا کہ عام امریکیوں نے ‘یوکرین کے لیے غیرمتزلزل اور ٹھوس حمایت فراہم کی ہے۔”
زیلنسکی نے انگریزی میں تقریر کرتے ہوئے کہا کہ امریکی اور یوکرینی عوام کی “اقدار ایک جیسی ہیں اور زندگی کا فہم ایک جیسا ہے اور زندگی کا احساس ایک جیسا ہے۔”
I thank @POTUS for the warm welcome and I deeply appreciate all the support of the U.S. and the American people. I am confident that together we will be able to secure a better, prosperous and free future for both of our nations. Ukraine’s victory will also be America’s victory. pic.twitter.com/OhclRtwIJy
— Володимир Зеленський (@ZelenskyyUa) December 22, 2022
عالمی سلامتی کو فروغ دینے میں بین الاقوامی تعاون کی اہمیت کا ذکر کرتے ہوئے زیلنسکی نے یوکرین کی حمایت کرنے پر بائیڈن، امریکی کانگریس اور امریکی عوام کا شکریہ ادا کیا۔
زیلینسکی نے کہا کہ “میں جانتا ہوں کہ امریکی قیادت مضبوط ہوگی اور امریکہ ہماری اقدار اور آزادی کا دفاع کرنے میں ہماری مدد کرے گا۔”