کرسمس کی چھٹیوں کے لیے سجاوٹ وائٹ ہاؤس کی ایسی رسم ہے جس کا خاصا انتظار رہتا ہے اور ہر سال ہزاروں لوگ اس پُرمسرت موقع پر وائٹ ہاؤس کی تزئین و آرائش کو دیکھنے آتے ہیں۔

وائٹ ہاؤس میں پہلی کرسمس منانے کے لیے خاتون اول میلانیا ٹرمپ نے اپنے اہلخانہ کے لیے 'سدابہار روایات' کا ماحول ترتیب دیا ہے جس کا مقصد وائٹ ہاؤس میں کرسمس اور نئے سال کے تہواروں کی 200 سالہ روایات کو خراج تحسین پیش کرنا ہے۔

چائنا روم میں داخل ہونے والے مہمانوں کو بے تکلفانہ کرسمس ڈنر کے لیے تیار کی گئی چینی نمونے کی وہ میزیں دکھائی دیتی ہیں جو صدر ریگن اور ان کی اہلیہ یہاں لائے تھے۔ اس سے قریب ہی لائبریری میں صدر فرینکلن روزویلٹ کی چارلس ڈکنز کی ' اے کرسمس کیرول' کے 1866ء کے نسخے رکھے گئے ہیں۔ بڑے داخلی کمرے اور راہداری میں برف سے ڈھکے صنوبر کے درخت جادوئی تاثر پیدا کرتے ہیں۔ ان جگہوں کو وائٹ ہاؤس میں مخصوص ماحول ترتیب دے کر منائی گئی پہلی کرسمس کی یاد تازہ کرنے کے لیے اسی طرز پر سجایا گیا ہے۔ (1961 میں منائی گئی اس کرسمس میں 'دی نٹ کریکر سوئیٹ بیلے' کا ماحول ترتیب دیا گیا تھا)۔

خاتون اول کہتی ہیں، "میں امید کرتی ہوں اس سال جب لوگ اس عوامی گھر کی سیر کو آئیں گے تو انہیں یوں محسوس ہو گا کہ وہ چھٹیوں کے دوران تہوار منانے اپنے گھر آئے ہوئے ہیں۔ اپنے شوہر اور [بیٹے] بیرن کی جانب سے میں سبھی کو کرسمس اور پُرمسرت تہواروں کی مبارک باد پیش کرتی ہوں۔"

Miniature White House, lit up and sitting in front of mirror (© Kevin Lamarque/Reuters)
ہر سال کرسمس کی چھٹیوں کے لیے خاندان اول کے باورچی کی مہارت سے تیار کی گئی میٹھی جنجر بریڈ [ادرک کی ڈبل روٹی] وائٹ ہاؤس کا ہوبہو نمونہ ہوتی ہے۔ (© Kevin Lamarque/Reuters)
Christmas tree in a green room where four people are sitting at a table (© Saul Loeb/AFP/Getty Images)
خاتون اول میلانیا ٹرمپ گرین روم میں کرسمس اور نئے سال کے لیے سجاوٹ میں مصروف بچوں سے باتیں کر رہی ہیں۔ (© Saul Loeb/AFP/Getty Images)
Decorated mantel with three framed presidential silhouettes (© Kevin Lamarque/Reuters)
گرین روم میں کارنیس پر صدور کے ہیولہ نما خاکے اور کرسمس کی دیگر سجاوٹیں رکھی ہیں۔ (© Kevin Lamarque/Reuters)
Grand hall lined with silver trees, with Christmas tree at end (© Saul Loeb/AFP/Getty Images)
کرسمس اور نئے سال کے تہواروں پر مشرقی حصے کی تزئین و آرائش میں 'سرمائی پرستان' کا ماحول بنایا گیا ہے۔ (© Saul Loeb/AFP/Getty Images)
Ballerinas dancing by Christmas trees (© Jonathan Ernst/Reuters)
رقاصائیں وائٹ ہاؤس میں تہواروں کی چھٹیوں کے آغاز کے موقع پر 'نٹ کریکر سوئیٹ' نامی بیلے کے رقص کا مظاہرہ کر رہی ہیں۔ (© Jonathan Ernst/Reuters)
Glass tree ornament in shape of ballerina hanging on branch (© AP Images)
بڑے داخلی کمرے اور راہداری میں درختوں کی سجاوٹ سے 'نٹ کریکر سوئیٹ' کی سدا بہار خوبصورتی کا اظہار ہوتا ہے۔ یہ رقص کرسمس کی آمد کی خبر دیتا ہے۔ (© AP Images)
Dining room with red decorations (© Saul Loeb/AFP/Getty Images)
چائنا روم کرسمس کے موقع پر فیملی ڈنر کے لیے موزوں ترین جگہ ہے۔ دائیں جانب گریس کولیج کی تصویر ہے جو 1923 سے 1929 کے دوران خاتون اول رہیں۔ (© Saul Loeb/AFP/Getty Images)
Gold tree ornament (© AP Images)
ایسٹ گارڈن روم میں کرسمس کے حوالے سے خاندان اول کی سرکاری آرائش دکھائی دے رہی ہے۔ (© AP Images)
Red room with Christmas tree under chandelier (© Kevin Lamarque/Reuters)
ریڈ روم میں کرسمس کی آرائش: یہاں پیپرمنٹ، بسکٹ اور کرسمس کے تہوار کی دیگر مخصوص چیزیں بھی موجود ہیں۔ (© Kevin Lamarque/Reuters)
Grand Foyer decorated with Christmas trees and artificial snow (© AP Images)
کرسمس کے لیے سجائے گئے بڑے داخلی کمرے اور راہداری کو دیکھ کر برفانی علاقے کا خیرہ کن منظر ذہن میں ابھرتا ہے۔ (© AP Images)